Biznes sinif

Oturacaq tipli qatarlarda:

Bu sinif üzrə İsveçrənin "Stadler” şirkətinin müasir oturacaq tipli sərnişin qatarları və ekspres qatar fəaliyyət göstərir.

Oturacaqlar genişdir və elektrik yuvaları ilə təchiz olunub.

Biznes siniflə səyahət zamanı sərnişinlərə qatarda səfər paketi təqdim olunur.

Keyterinq xidməti qidanın mənşəyi və təhlükəsizliyinə dair sertifikatlara məxsus şirkət tərəfindən həyata keçirilir.

Təqdim edilən qablaşdırılmış qidaların üzərində istehsal tarixi, saxlanma şərtləri, istifadə müddətinin son tarixi qeyd edilir.

Qatar başlanğıc məntəqəsindən yola düşdükdən 1 saat sonra sərnişinlərə çay, qəhvə, su və səfər paketinin paylanması həyata keçirilir. Sərnişinlərə çay, qəhvə, suyun verilməsi bir dəfə ödənişsizdir. Növbəti dəfə isə ödəniş etməklə çay, qəhvə, su və menyudan istənilən məhsulu ala bilmə imkanı yaradılır.

Yataq tipli qatarlarda:

Oturacaq və yataq imkanları:

2 nəfərlik otaq, rahat oturacaqlar yatağa çevrilə bilir.
Yataqların altında geniş saxlama və əşyaların yerləşdirilməsi üçün nəzərdə tutulmuş bölmələr mövcuddur.

İşıqlandırma sistemi:

Hər sərnişin üçün fərdi işıqlandırma təmin edilir və tənzimlənə bilir.
Bölmənin hər iki tərəfində yerləşən güzgülərin baş hissəsində əlavə işıqlar mövcuddur.

Elektrik və texniki təchizat:

Hər bir sərnişin üçün ayrıca elektrik yuvası (220V) mövcuddur.
İşıq səviyyəsi və audio sistemi idarə olunur.

Əlavə xüsusiyyətlər:

Divara quraşdırılmış TV monitoru mövcuddur (4 dildə kontent: Azərbaycan, türk, rus, ingilis; 4 əsas qrup: bədii film, cizgi film, musiqi, veriliş)

Yataq dəsti və digər təminatlar:

Balış və balışüzü
Döşək və döşəküzü
Yorğan və yorğanüzü
Əl-üz dəsmalı

Səfər dəsti:

Su, yuxu maskası, quru və nəm salfetlər, diş seti (diş fırçası və məcunu), ülgüc dəsti (bəylər üçün), baxım dəsti (xanımlar üçün), tərlik, dabankeş, daraq.

Ödənişsiz qida xidməti

Biznes sinifdə yemək (pendir, kolbasa, pomidor, xiyar, zeytun çeşidi, cem, kükü, çörək çeşidi), təbii şirə, şirniyyat, çay (limitsiz) və kofe (limitsiz) təqdim olunur.

Qatardaxili səyyar satışdan yararlanma imkanı

Bütün siniflərdə səyyar satış xidmətindən faydalanmaq imkanı var;
Bu xidmət çərçivəsində sərnişinlər yemək və içkiləri birbaşa oturduqları yerlərdə QR kod vasitəsilə sifariş edə bilərlər.

Sərnişinlərə xoş səyahət arzu edirik!