Standart sinif

Oturacaq tipli qatarlarda:

Bu sinif üzrə İsveçrənin "Stadler” şirkətinin müasir oturacaq tipli sərnişin qatarları və ekspres qatar fəaliyyət göstərir.

Sərnişinlərə səfərboyu ödəniş etməklə menyudan istənilən məhsulu, şirniyyat, çay, qəhvə və su ala bilmək üçün imkan yaradılır. 

Hər sırada yerlərin tərtibatına uyğun olaraq 2 və ya 3 elektrik yuvası mövcuddur. 

Hər bir sinif üzrə, eləcə də hərəkət məhdudiyyətli sərnişinlər üçün xüsusi sanitar qovşaq mövcuddur. Körpələr üçün əlavə imkanlar yaradılır. 

Yataq tipli qatarlarda:

Yataqlar və əşyalar üçün yerlər:

Bu vaqonlar açıq sinif kimi dizayn edilib. Hər biri alt və üst olmaqla, ümumilikdə 54 yataq var:

• 4 nəfərlik qruplar: 2 alt və 2 üst yataq yerləşir. Bu yataqlar açıq şəkildə vaqonun daxilində ardıcıl düzülüb. Hər yataq pərdə ilə təchiz olunub.
• Dəhliz yataqları: Dəhliz boyunca, vaqonun ön hissəsində əlavə olaraq 2 alt və 2 üst yataq mövcuddur. Ön hissədəki 2 nəfərlik yataqların xüsusiyyətləri:
• Yuxarı yataqlar bağlana bilir, bu da əlavə məkan yaradır.
• Aşağı yataqların orta hissəsi qalxaraq masaya çevrilə bilir.

Elektrik və texniki təchizat:

• 4 nəfərlik hissələrdə 1 elektrik yuvası (220V) təmin edilib.
• Dəhlizdə yerləşən 2 nəfərlik hissələrdə 1 elektrik yuvası (220V) var.
• Hər oturacağın altında əlavə saxlama yerləri mövcuddur.

İşıqlandırma:

• Fərdi işıqlandırma mövcuddur.

Yataq dəsti və digər təminatlar:

• Balış və balışüzü
• Döşək və döşəküzü
• Yorğan və yorğanüzü
• Əz-üz dəsmalı

Səfər dəsti:

• Su, qulaq tıxacı, quru və nəm salfetlər

Qatardaxili səyyar satışdan yararlanma imkanı

• Bütün siniflərdə səyyar satış xidmətindən faydalanmaq imkanı var;
• Bu xidmət çərçivəsində sərnişinlər yemək və içkiləri birbaşa oturduqları yerlərdə QR kod vasitəsilə sifariş edə bilərlər.

Sərnişinlərə xoş səyahət arzu edirik!