Standart plyus sinif

Oturacaq tipli qatarlarda:

Bu sinif üzrə İsveçrənin "Stadler” şirkətinin müasir oturacaq tipli sərnişin qatarları və ekspres qatar fəaliyyət göstərir.

Oturacaqlar kiçik masa və elektrik yuvaları ilə təchiz olunub. 

Standart plyus siniflə səyahət zamanı sərnişinlərə qatarda səfər paketi təqdim olunur. 

Keyterinq xidməti qidanın mənşəyi və təhlükəsizliyinə dair sertifikatlara məxsus şirkət tərəfindən həyata keçirilir. 

Təqdim edilən qablaşdırılmış qidaların  üzərində istehsal tarixi, saxlanma şərtləri, istifadə müddətinin son tarixi qeyd edilir. 

Qatar başlanğıc məntəqəsindən yola düşdükdən 1 saat sonra sərnişinlərə səfər paketinin paylanması həyata keçirilir. Səfər paketinə qazsız su, kruasan, çay və ya qəhvə, nəm / quru salfet daxildir. Bunlardan əlavə ödəniş etməklə menyudan istənilən məhsulu ala bilmə imkanı yaradılır. 

Yataq tipli qatarlarda:

Yataqlar və əşyalar üçün yerlər:

• Hər kupedə 4 yataq var: 2-si aşağıda, 2-si isə yuxarıda yerləşir.
• Aşağı oturacaqların altında baqaj və digər şəxsi əşyaların yerləşdirilməsi üçün xüsusi yerlər var.
• Üst tərəflərdə metal konstruksiyalı polad rəflər mövcuddur.

Elektrik və texniki təchizat:

• Kupedə ümumilikdə 4 nəfərə bir elektrik yuvası (220V) nəzərdə tutulub.
• Səs və işıq tənzimləmə paneli: İşıq səviyyəsi və audio sistemi idarə olunur.

İşıqlandırma:

• Kupedə hər oturacağın baş tərəfində fərdi işıqlandırma lampaları quraşdırılıb.
• Tavanda ümumi işıqlandırma mövcuddur.

Yataq dəsti və digər təminatlar:

• Balış və balışüzü
• Döşək və döşəküzü
• Yorğan və yorğanüzü
• Əl-üz dəsmalı 

Səfər dəsti:

• Su, yuxu maskası, quru və nəm salfetlər, diş seti (diş fırçası və məcunu), qulaq tıxacı.

Ödənişsiz qida xidməti 

• Standart+ sinifdə - toyuqlu sendviç, təbii şirə, çay və kofe (1 dəfə ödənişsiz) təqdim olunur.

Qatardaxili səyyar satışdan yararlanma imkanı

• Bütün siniflərdə səyyar satış xidmətindən faydalanmaq imkanı var;
• Bu xidmət çərçivəsində sərnişinlər yemək və içkiləri birbaşa oturduqları yerlərdə QR kod vasitəsilə sifariş edə bilərlər.

Sərnişinlərə xoş səyahət arzu edirik!