1. Elektron gediş sənədlərinin (biletlərin) satışı, qaytarılması və elektron gediş sənədi (bilet) ilə gediş zamanı yolda dayanacaq edilməsinin rəsmiləşdirilməsi, eləcə də ciddi hesabat blankı rəsmiləşdirilmədən elektron qeydiyyat (bundan sonra - elektron qeydiyyat) qaydası dəmiryol nəqliyyatının xidmətlərindən istifadə edənlərin nəzərinə çatdırılır.
2. Elektron qeydiyyat gediş haqqı ödəndikdən sonra yerinə yetirilir.
3. Pulsuz və ya güzəştli gedişə (uşaqların gedişi istisna olmaqla) elektron gediş sənədi (bilet) rəsmiləşdirilmir.
4. Sərnişinin qatara minik prosesi elektron gediş sənədi (bilet) və onda göstərilən şəxsiyyəti təsdiq edən sənədin əsli əsasında həyata keçirilir. Həmçinin sərnişin ''Mygov'' tətbiqindəki elektron şəxsiyyət vəsiqəsini də təqdim edə bilər.
5. Elektron gediş sənədi (bilet) barədə məlumatlar vaqon bələdçisində saxlanılır. Sərnişin vaqon bələdçisində olan elektron gediş sənədinin (biletin) qeydiyyat məlumatında göstərilən yerdə əyləşməlidir.
6. Elektron biletlə səfər edən sərnişinin nəzarət zamanı təqdim etdiyi şəxsiyyətini təsdiq edən sənədin rekvizitləri ilə vaqon bələdçisində olan elektron gediş sənədindəki (biletdəki) məlumatlarda uyğunsuzluq olduqda bilet etibarsız sayılır və sərnişin qatara buraxılmır.
7. Rayonlararası (şəhərlərarası) qatarda sərnişinin şəxsiyyətini təsdiq edən sənədlə vaqon bələdçisində olan elektron gediş sənədlərində (biletlərdə) göstərilən məlumatlarda sərnişinin soyadında, adında və atasının adında bir hərf və şəxsiyyəti təsdiq edən sənədin nömrəsində bir rəqəmdən çox olmayaraq uyğunsuzluq olduqda sərnişinin qatarda gedişinə yol verilir.
8. Daşıyıcı elektron xidmətlərin təqdim edilməsinin və elektron gediş sənədindən (biletdən) istifadə edilməsinin tətbiqi xüsusiyyətlərini internet şəbəkəsinin informasiya sistemlərində yerləşdirməyə borcludur.
9. Elektron gediş sənədlərinin (biletin) satışı qatarın başlanğıc stansiyadan yola düşməsinə bir saat qalmış dayandırılır.
10. Elektron gediş sənədlərinin (biletin) satışı tam və uşaq tarifləri üzrə həyata keçirilir. 5 yaşadək uşağın gedişi üçün ödənişsiz uşaq elektron gediş sənədi (bileti) də rəsmiləşdirilir.
11. Elektron gediş sənədlərinin (biletin) alınması zamanı aşağıdakılar yerinə yetirilmir:
12. Qatarlara elektron qeydiyyat aşağıdakı qaydada aparılır:
13. Elektron qeydiyyat olduqda qatarın marşrut üzrə başlanğıc stansiyadan getməsinə 1 saatdan az vaxt qaldıqda sərnişin gedişdən imtina edərsə, elektron gediş sənədi (bileti) şəxsi kabinetdə qaytarılmır və sərnişin minik stansiyasında bilet kassasına yaxınlaşaraq biletin geri qaytarılma qaydalarına əsasən gediş sənədini geri qaytarır.
14. Elektron qeydiyyatı olan gediş sənədlərinə (biletə) nəzarət qatara minik zamanı vaqon bələdçiləri tərəfindən həyata keçirilir.
15. Elektron qeydiyyatı olan gediş sənədlərinə nəzarət həyata keçirilən zaman aşağıdakılar əlavə yoxlanılmalıdır:
16. İstifadə edilməmiş elektron gediş sənədlərinə (biletlərə) görə pul vəsaitlərinin qaytarılması qaydası qanunvericiliyə uyğun olaraq daşıyıcı tərəfindən müəyyən edilmiş geri qaytarılma qaydalarına əsasən həyata keçirilir.
17. Yolda dayanmaq zərurəti yaranmış hallarda sərnişin sonrakı gedişdən imtina edərsə, vaqon bələdçisini bu barədə xəbərdar etməlidir. Vaqon bələdçisi səfərin dayandırılması və ya yolda dayanacaq edilməsi barədə ümumi formalı akt tərtib edir və bu sənədin bir nüsxəsi bilet kassasına təqdim olunması üçün sərnişinə verilir. Sərnişin şəxsiyyəti təsdiq edən sənədi və aktın bir nüsxəsini bilet kassasına elektron biletin qaytarılması üçün təqdim edir.
18. Sərnişin elektron biletinin qaytarılması üçün elektron gediş sənədi ilə lazımi texnoloji əməliyyatların yerinə yetirilməsi məqsədilə qatar stansiyaya qəbul olunduğu andan 1 saat ərzində bilet kassasına vaqon bələdçisinin qeydiyyatı olan elektron gediş sənədini və ya ümumi formalı aktı təqdim etməlidir.
19. Daşıyıcının təqsiri üzündən və ya sərnişinin məcburi səbəblərdən (ölüm, xəstəlik, bədbəxt hadisə ilə əlaqəli) daşıma müqaviləsinin şərtlərində dəyişiklik baş verdikdə və ya ona xitam verildikdə sərnişinin elektron gediş sənədləri üzrə müvafiq daşıma ödənişlərini almaq hüququ var.
