COVID-19 şərtləri

Koronavirus (COVID-19) pandemiyası ilə əlaqədar tətbiq edilən xüsusi karantin rejiminin tələbinə uyğun olaraq dəmir yolu nəqliyyatı ilə sərnişin daşımalarının həyata keçirilməsi məqsədilə Azərbaycan Respublikası Nazirlər Kabinetinin 2021-ci il 24 sentyabr tarixli 280 nömrəli, 27.11.2021-ci tarixli 371 nömrəli, 30 dekabr 2021-ci il tarixli 419 nömrəli Qərarlarını rəhbər tutaraq sərnişin qatarlarına gediş sənədinin rəsmiləşdirilməsi və həmin şəxslərin (sərnişinlərin) qatarlara buraxılması və qatarlarda daşınması  aşağıdakı sənədlər əsasında həyata keçirilir:

  • Yaşı 18-dən aşağı olan şəxslər istisna olmaqla Azərbaycan Respublikasının vətəndaşlarına, ölkə ərazisində müvəqqəti və daimi əsaslarla yaşayan əcnəbi və ya vətəndaşlığı olmayan şəxslərə verilmiş və etibarlı olan “COVID-19” xəstəliyinə qarşı peyvənd olunmanı təsdiqləyən vaksin (ən azı iki doza olmaqla), immunitet sertifikatı və yaxud peyvəndləməyə əks göstərişi təsdiqləyən sertifikat (üzərində QR kod əks etdirilmiş). İkinci peyvənddən 6 aydan çox keçmiş şəxslərdən 2022-ci ilin fevralın 15-dən etibarən  buster doza tələb edilir;
  • Vətəndaşın 18 yaşı yeni tamam olmuş və yalnız birinci doza vaksin vurdurmuşsa, bu zaman qatara buraxılmır. Həmin şəxs yalnız 2-ci doza vaksin vurdurduqdan və  “Vaksin sertifikatı” əldə etdikdən sonra 6 ay ərzində qatarla səyahət edə bilər. Bu şəxslərdən də ikinci peyvənd olunmalarından 6 aydan çox keçdikdə 3-cü doza (buster doza) tələb edilir;
  •  Xarici dövlətin səlahiyyətli orqanı tərəfindən rəsmiləşdirilmiş “COVID-19" xəstəliyinə qarşı peyvənd olunmanı, peyvəndləməyə əks göstərişi və yaxud “COVID-19” xəstəliyinə yoluxmuş şəxslərin sağalaraq immunitetə malik olmalarını təsdiqləyən sertifikat (xarici “COVID-19” sertifikatı);
  • Azərbaycan Respublikasının vətəndaşlarına verilmiş xarici “COVID-19” sertifikatının Azərbaycan Respublikasında tanınması üçün sertifikat sahibi tərəfindən “https://randevu.its.gov.az” internet səhifəsində qeydiyyatdan keçirilməlidir;
  • Xarici “COVID-19” sertifikatına malik olan və ölkəyə müxtəlif səbəblər üçün səfər edən əcnəbi vətəndaşlara dair gediş sənədinin rəsmiləşdirilməsi və onların qatarlarda daşınması üçün sertifikatın qeydiyyatdan keçirilməsi tələb olunmur.
     

Sertifikatların etibarlılığı qatarlarda və bilet kassalarında mövcud olan “Check App” mobil tətbiqi vasitəsilə yoxlanılır.

"COVID-19" xəstəliyi ilə bağlı verilən sertifikatlara dair yaranmış əlavə suallarla əlaqədar Azərbaycan Respublikası Səhiyyə Nazirliyinin “9103” qaynar xəttinə müraciət edilməsi tövsiyə olunur.