Uşaqlarla səyahət

Sərnişinin 5 yaşadək bir uşağı, əgər o ayrıca yer tutmursa, özü ilə pulsuz aparmaq hüququ var.

Beş yaşadək uşaq ayrıca yer tutarsa, ona uşaq tarifi üzrə gediş sənədi (bilet) alınmalıdır.

Sərnişinlə gedən bir uşaqdan artıq beş yaşadək uşaqların hər birinə uşaq tarifi ilə gediş sənədləri (biletlər) alınmalıdır.

5 yaşdan 10 yaşadək uşaqlara gediş sənədləri (biletlər) uşaq tarifi ilə alınır.

10 yaşdan böyük uşaqlara tam tarif ilə gediş sənədləri (biletlər) alınır.

10 yaşadək uşaqların böyüklərin müşayəti olmadan sərnişin qatarlarında gedişinə yol verilmir.

10 yaşadək uşaqla gedən sərnişində uşağın yaşını təsdiq edən sənədin əsli olmalıdır.

Uşağın yaşı gedişin başladığı günlə müəyyən edilir. Əgər gedişin başladığı gün 5 yaşı tamam olan uşağın doğum günü ilə üst-üstə düşürsə, onda uşaq (əgər o, ayrıca yer tutmursa) pulsuz daşınır.

Əgər gedişin başladığı gün 10 yaşı tamam olan uşağın doğum günü ilə üst-üstə düşürsə, onda gediş sənədi (bilet) uşaq tarifi ilə sənədləşdirilir.