Məxfilik siyasəti

Siz www.ady.az saytının xidmətlərindən istifadə edərək “Azərbaycan Dəmir Yolları” QSC-yə (ADY) öz şəxsi məlumatlarınızı təqdim edir və istifadəçi şərtləri ilə razılaşırsınız.

Siz səxsi məlumatlarınızı təqdim etməklə bu məlumatların birbaşa təyinatı üzrə istifadə olunması ilə razılaşırsınız. Sözügedən veb-sayt daşıma şirkətinin mülkiyyətidir və üçüncü şəxslər tərəfindən açıq istifadə üçün nəzərdə tutulmayıb. Bu o deməkdir ki, qanunvericiliklə və hazırkı siyasətlə müəyyən edilmiş hallar istisna olmaqla məlumatlar hər hansı üçüncü şəxsə ötürülməyəcək.

İstisna hallara aşağıdakılar aiddir:

• Biletləri rəsmiləşdirmək və bank sistemlərinin ödəniş kartları ilə ödənişləri həyata keçirmək məqsədilə məlumatların bir qismi, o cümlədən ad, soyad, pasport məlumatları, bank rekvizitləri və digər məlumatlar müvafiq qaydalar və normalarla nəzərdə tutulmuş şəkildə ADY-nin tərəfdaşı olan təşkilatlara veriləcək;
• Qeydiyyat zamanı əlavə etdiyiniz əlaqə vasitələrinə (mobil nömrə və elektron poçt ünvanı) kampaniya və təkliflərimiz barədə məlumatlar göndərilə bilər;
• Qanunvericiliklə nəzərdə tutulmuş hallarda hüquq-mühafizə orqanlarına onların qanuni və əsaslandırılmış sorğusu üzrə ayrıca məlumat verilə bilər.

Qeyd: Şəxsi məlumatlardan icazəsiz istifadə, onların üçüncü şəxslərə razılaşdırılmadan verilməsi və ya məlumatlarınızın təyinatı üzrə istifadə edilməməsi hallarının qarşısını almaq məqsədilə ADY tərəfindən şəxsi məlumatların qorunması üzrə qurumun siyasətini təmin edən müvafiq fiziki, elektron və idarəetmə təhlükəsizliyi tədbirləri görülüb.